Лапорта на итен состанок со Меси поради Суперлигата

Утрово претседателот на Барселона, Жоан Лапорта имал состанок со Лионел Меси и другите тројца капитени на тимот, а тема на разговор била Суперлигата.

Додека 10 од 12-те учесници веќе се откажаа, Каталонците се уште не излегле со официјален став.

„Марка“ пренесува дека Лапорта утрово им пренел на Меси, Бускетс, Пике и Сержи Роберто дека клубот треба да ги штити своите интереси, што значи дека ќе учествува во проектот доколку тој опстане.

Реал Мадрид и Барселона се единствените клубови кои се уште не се огласиле во однос на Суперлигата, а се очекува тоа да го направат во текот на денот.