Лампард убеден: Нов договор за дефанзивецот!

Пред самиот почеток на сезоната, Челзи е означен како тим кој ќе биде еден од најголемите губитници оваа сезона.

„Сините“ имаа промена на тренерот, потоа и имаа забрана за трансфери со што не можеа да купат никого во летниот трансфер период, а нема да можат да купат ниту на зима, додека нивниот најдобар играч Еден Азар си замина во Реал Мадрид.

Но, клубот од „Стемфорд Бриџ“ игра добро, против Ливерпул покажаа дека можат да се натпреваруваат и со најдобрите клубови од Премиер лигата. Особено кога ќе се земе во предвид дека најдобрите играчи на клубот од Лондон се нивните деца, Абрахам и Маунт.

Англиските медиуми пишуваат дека се подготвува и нов договр за Томори. Младиот стопер веќе играше на пет натпревари, во Премиер лигата дојде и до гол. За сега одлично го заменува повредениот Ридигер, ќе видиме дали ќе игра со Германецот во претстојниот период со оглед на тоа што и Кристенсен се повреди на последниот натпревар.