Лампард со совет до Конте: Тој е совршен за Челзи!

Легендата на Челзи, Френк Лампард, смета дека Ромелу Лукаку би бил совршена опција за неговиот поранешен тим.

24 годишниот фудбалер ова лето сака да го напушти Евертон, откако на „Гудисон парк“ помина четири сезони.

Белгиецот веќе ги бранеше боите на „сините“, а од „Стенфорд Бриџ“ замина во 2014 година. Претходно овој месец Лукаку изјави дека веќе договорил трансфер со еден клуб од Премиер лигата.

„Играв со Лукаку, но тогаш тој беше млад и не добиваше вистинска шанса. Од кога замина стана многу подобар играч и денес би бил совршен за Челзи. Тој одличен напаѓач, го докажа тоа во Евертон. Знам дека Челзи бара напаѓач како Диего Коста кој е физички силен и може да постигне повеќе од 20 голови во една сезона“, изјави Лампард.

Лукаку за Челзи одигра само десет натпревари откако пристигна од Андерлехт во 2011 година, додека за Евертон собра 166 настапи и постигна 87 погодоци.