Куртоа ги нападна ФИФА и УЕФА: Ве интересираат само пари!

Голманот на Реал Мадрид и белгиската репрезентација, Тибо Куртоа отворено ги нападна УЕФА и ФИФА.

Белгија загуби од Италија во натпреварот за третото место од Лигата на нации, дуел кој воопшто не носеше ништо посебно но мораше да се одигра.

Куртоа воопшто не штедеше зборови за УЕФА и ФИФА, кои според него сакаат само пари и не се грижат за фудбалерите.

„Големиот број на натпревари во сезоната е само поради пари и ТВ-права. Паузата меѓу две сезони е само 15 дена и тоа е премногу малку. Следната година Светското првенство е во ноември и поради тоа ќе мора да играме до јуни“.

„УЕФА е против Суперлигата, а ниту тие не се грижат за фудбалерите, туку мислат да ги наполнат џебовите. Од друга страна, ФИФА планира првенство на секои две години? Кога ќе одмориме ние?“, вели Куртоа.