Куман ќе експирементира: Необичен состав на Барса за вечерва

Фудбалерите на Барселона вечерва играат во гости кај Динамо Киев во натпревар од четвртото коло од групната фаза во ЛШ.

Каталонците претходниот натпревар против Динамо го добија со 2:1, а вечерва се со доста ослабен состав. Повредите ги пореметија плановите на Куман кој и покрај се одлучи да ги остави Меси и Де Јонг во Барселона.

Јасно е дека холандскиот стручњак ќе направи повеќе промени во составот, а тоа посебно се однесува на стоперската позиција каде ќе заигра Мингуез кој до сега го немаме видено.

Исто така, од првата минута се очекува да заигра и Миралем Пјаниќ. Јасно е дека составот на Барса ќе биде сосема поразличен и необичен од она што сме навикнале да го гледаме.

Веројатниот состав на Барселона: Тер Штеген, Дест, Мингуез, Ленгле, Алба, Алена, Пјаниќ, Кутињо, Педри, Тринкао, Гризман.