Куман: Јувентус доби непостоечки пенал, мораше да има пенал и врз Меси

Јувентус вчера забележа победа од 0:3 на гости кај Барселона на „Камп Ноу“, после натпреварот Роналд Куман ги критикуваше судиите.

Според Куман првиот пенал за Јувентус бил непостоечки, а додаде и дека требало да се досуди најстрога казна по прекршок врз Меси.

„Натпреварот го изгубивме во првиот половина час кога игравме навистина лошо, ни фалеше агресивност во средниот ред. Јувентус беше посебно добар во тој период и заслужено победи. Но, многумина ќе се сложат со мене дека критериумот на судиите не беше еднаков. Првиот пенал за Јувентус беше непостоечки,  тоа не беше старт за пенал. Кога тоа беше пенал, мораше да има санкција и за прекршокот врз Меси“, изјави Куман.