Eкипата на Барселона утре ќе има шанса да го освои својот прв трофеј оваа сезона, а противник во финалето на Купот на кралот ќе им биде Атлетик Билбао.
Пред финалниот натпревар во Севиља на новинарите им се обрати тренерот на каталонскиот гигант, Роналд Куман кој најави напаѓачка игра на Барселона.
Пред дербито, падна најважниот потпис во Манчестер Сити! ↓↓↓
„Билбао е добар тим. Не победија во финалето на Суперкупот и утре ќе мора да бидеме многу подобри во движењето без топка. Знаеме како треба да играме против нив, започна Куман на прес конференцијата па продолжи:
„Во јануари ситуацијата внатре во тимот беше многу полоша. Многу напредувавме од тој момент. Ќе се обидеме да доминираме на теренот, да играме посилно во одбраната и со многу повеќе енергија“.
Новинарите ги интересираше и иднината на Куман.
„Не размислувам на тоа без разлика дали ќе победиме или изгубиме. Разговарав со Лапорта и имам доверба. Чудно ми е што морам да одговарам на вакви прашања после 19 натпревари во кои немавме пораз. Зарем за еден пораз да добијам отказ?“, запраша Куман.
Натпреварот помеѓу Атлетик Билбао и Барселона се игра утре со почеток од 21:30 часот.
Учество во игри на среќа е дозволено за лица со 18+ години. Играј одговорно!