Македонската репрезентација со вечерашниот пораз од Црна Гора го заврши настапот на Европското првенство, а натпреварот против Данска ќе биде само формалност.
Македонија денес посебно разочара во второто полувреме кога промашивме многу зицери и не ги искористивме одбраните на Никола Митревски. Филип Кузмановски порача дека навивачите заслужиле многу повеќе.
„Се срамам да излезам на терен против Данска пред нашите навивачите. Заслужуваат навистина повеќе. Немам коментар, не знам што да кажам…“.
„По претходниот натпревар кажав дека сами сме виновни и треба да ги намалиме тие технички грешки. Место да ги намалиме денес ние направивме уште повеќе. Не знам во што е проблемот. Сите зборуваат за некоја нова Македонија, денес трчавме како без глава. Црна Гора ни покажа како се бори, ние не се боревме и заслужено победија“, изјави Кузмановски.
Натпреварот со Данска Македонија го игра во понеделник во 20:30 часот.
Учество во игри на среќа е дозволено за лица со 18+ години. Играј одговорно!