Крос за Белингам: Имавме играч од 100 милиони кој си ја уништи кариерата

Џуд Белингам денес го комплетираше трансферот во Реал Мадрид, а пристигна од Борусија Дортмунд за 100 милиони евра.

Тони Крос даде свој коментар за трансферот и му порача на Белингам дека треба постојано да се докажува и да напредува.

„Се работи за топ фудбалер кој беше мета на многу клубови поради квалитетните игри кои ги прикажува и годините кои ги има. Се надевам дека ќе биде добро засилување“, изјави Крос.

„Имавме играч за кого исто така беа платени многу пари (Еден Азар), но како да си ја уништи кариерата. Од денешна гледна точка сигурен сум дека многумина ќе кажат дека тоа не беше добар трансфер. Но ајде да бидеме оптимисти за Белингем“, додаде Германецот.