Критики за Роналдо: „Јувентус победи без него“

Јувентус испрати сигнал дека и натаму е жив. Старата дама на Сан Сиро со 1:3 синоќа го победи Милан.

Кристијано Роналдо го одигра целиот натпревар, но не беше на своето ниво. После натпреварот следуваа критики на сметка на Португалецот.

Роналдо со 14 погодоци е прв стрелец во Серија А, а според реакциите на Џузепе Бергоми и Фабио Капело ѕвездата на Бјанконерите нема право на слаб натпревар.

„Ова можеби е негов најслаб натпревар во дресот на Јувентус. Јувентус победи без него.“ – рече Капело.

„Кога ритамот е висок Роналдо се мачи, така беше и против Аталанта.“ – додаде Бергоми.

На Роналдо не му остаува ништо друго освен својот одговор да го каже на теренот со добри игри.