Кој беше легендарниот Боби Чарлтон и зошто се смета за еден од најголемите на сите времиња

Тажната вест дојде од Англија во саботата. Легендарниот поранешен фудбалер Боби Чарлтон почина на 87-годишна возраст.

Ова е човек кој одбележа долг период во историјата на Манчестер Јунајтед. Тој се смета за еден од најдобрите играчи на сите времиња.

Боби беше дел од селекцијата на Англија која ја освои титулата светски шампион во 1966 година. Истата година ја добива и Златната топка за најдобар европски фудбалер.

Неговата клупска кариера беше обележана со неговиот настап за Манчестер Јунајтед. За првиот тим на „Црвените ѓаволи“, Чарлтон започна да настапува во 1956 година. Во 1965 година тој го освои англискиот шампионат со Јунајтед, а во 1968 година беше капитен на тимот кога станаа европски шампиони, а Чарлтон постигна два гола во победата во финалето на Купот на шампионите.

Тој е трет на вечната листа на Јунајтед и на репрезентацијата на Англија по бројот на голови. Во репрезентацијата постигна 49 гола, а пред него се само Хари Кејн и Вејн Руни, додека во дресот на „Црвените ѓаволи“ 199 пати ја погоди мрежата, пред него се само Руни и Денис Лоу. Тој го држеше и рекордот по бројот на настапи за Манчестер Јунајтед (758), но неговиот рекорд беше соборен од Рајан Гигс во 2011 година.

Многу луѓе не го знаат фактот дека тој ја преживеал авионската несреќа во Минхен во 1958 година. По неговата играчка кариера, тој беше директор во Манчестер Јунајтед повеќе од 40 години.