Кошаркарите поразен од Полска

Сениорските селекции на Македонија и на Полска одиграа уште еден контролен меч во Белград.

А пољаците беа подобри и на втората контролна средба одиграна во СЦ „Ранко Жеравица“, славеа со резултат (84:52).

Во натпревар во кој противникот одигра одлична втора четвртина која ја реши во своја корист со високи (30:19). Претходно во првиот период се водеше изедначена игра, во која Полска оствари минимална предност од (19:17).

Селекторот на нашата репрезентација Александар Јончевски одлучи на оваа втора проверка во  Белград да ја намали минутажата на носителите на играта на нашиот сениорски тим. Капитенот Војдан Стојановски одигра нешто повеќе од девет минути, Ненад Димитријевиќ уште помалку, нецели шест…

Нашата најдобра селекција веднаш по натпреварот се враќа за Скопје, каде ќе тренира во наредните неколку дена, до 10. август за кога е предвидено заминувањето за Талин, каде ќе бидеме дел од претквалификацискиот турнир за олимписките Игри во Париз.