Конте не се откажува од платата, си оди од Интер

Интер после повеќе од една деценија ја освои шампионската титула, но финансиската ситуација во клубот е катастрофална.

„Нероаѕурите“ во текот на целата година имаа проблем со исплаќање на платите, а сега од раководството на клубот потврдија дека ситуацијата е критичнa.

„Скај Спорт“ пишува дека сопственикот на Интер Стивен Жанг, од Конте и од фудбалерите побарал да се откажат од две плати како финансиски би му помогнале на клубот.

Наводно Конте ја одбил оваа опција и е спремен да го напушти клубот по завршувањето на сезоната. Тој не само што не се согласил да се откаже од платата туку и бара гаранции дека тимот ќе биде засилен.

Дел од големите ѕвезди на тимот се загрижени и се спремни да побараат трансфер ако Конте си замине од кормилото на Интер.