Конте: Многу е потешко е да ја одбраните титулата во Премиер лигата

Менаџерот на Челзи, Антони Конте смета дека во Премиер лигата е далеку потешко да се одбрани титулата.

Конте со Челзи минатата сезона ја освои титулата, но оваа сезона му оди многу тешко. Манчестер Сити и Јунајтед се на врвот, „сините“ се мачат, а во викендот кој е зад нас беа совладани од Манчестер Сити на домашен терен со резултат 0:1.

„Потешко е да ја одбраните титулата во Премиер лигата отколку во Италија. Кога го освоив Скудетото со Јувентус, следната сезона очекував жестока борба со Милан, но тие ги продадоа Ибрахимовиќ и Тиаго Силва, а тоа значително ни ја олесни работата“, изјави Конте.

Иначе медиумите во Англија на големо пишуваат дека Италијанецот наскоро би можел да биде сменет поради лошиот старт на „сините“.