Конте го носи својот „војник“ во Интер

Интер се обидува да се ослободи од играчот за врска Раџа Наинголан, но во моментов нема заинтересирани купувачи, пренесуваат италијанските медиуми.

Единствена надеж на „нероаѕурите“ е Кина и се надеваат дека Наинголан ќе прифати да се пресели во Жиангсу Сунинг, клуб кој ги има истите сопственици како Интер.

Белгиецот пристигна на „Џузепе Меаца“ минатото лето од Рома, но одигра просечна сезона и неговата цена драстично се намали.

Италијанските медиуми тврдат дека Антонио Конте го сака Артуро Видал од Барселона, но за да се реализира тој трансфер потребно е да биде продаден Наинголан.

Видал имаше добра сезона во Барселона, но е отворен да се врати во Италија и повторно да соработува со Антонио Конте.

Каталонскиот клуб исто така нема да му стои на патот и за неговата слобода бара помеѓу 15 и 20 милиони евра.