Конте: Во Челзи не знаат да го користат Лукаку

Италијанскиот стратег Антонио Конте моментално е без ангажман и работи како стручен консуктатн на телевизија.

Конте после поразот на Челзи од Јувентус изјави дека во Челзи се уште не знаат да го користат Ромелу Лукаку на вистински начин.

Италијанецот изминатите две години работеше со Лукаку во Интер и токму во тогаш напаѓачот го даде најдоброто од себе.

„Тренерот е добар ако им помогне на играчите да напредуваат. Мислам дека направивме одлична работа со Лукаку“, изјави Конте.

„Тој е специфичен играч. Опасен е во шеснаесетникот, и тој е неверојатно брз. Ако имате таков играч, мора да го искористите, и мислам дека Челзи се уште не знае како да го користи правилно. Ако дознаат како да се искористи Лукаку, тогаш ќе бидат фаворити сезонава во Лигата на шампионите“, заклучи Италијанецот.