Колумбиската легенда го советува Хамес: Оди во Манчестер Јунајтед!

Легендата на колумбискиот фудбал, Фаустино Асприља го советува својот сонародник Хамес Родригез да се пресели во Манчестер Јунајтед.

Хамес нема иднина во Реал Мадрид и ова лето сигурно ќе ја промени средината, а интерес за неговиот потпис покажуваат неколку европски гиганти.

„Олд Трафорд би бил идеално место за Хамес. Тамо веќе неколку години не освојуваат трофеи и планираат да направат победнички тим. Јунајтед располага со добри фудбалери и сметам дека Хамес лесно ќе се вклопи во тимот“.

„За него е важно да биде во клуб каде редовно ќе игра и ќе се чувствува важен. Со својот квалитет Хамес може да игра каде што ќе посака“, смета Асприља.