Клуб од МЛС лигата го сака Балотели – се чека одговорот на „Супер Марио“

Италијанскиот напаѓач, Марио Балотели (27) би можел кариерата да ја продолжи во американската МЛС лига.

„Супер Марио“ во овој момент го носи дресот на француска Ница, но со оглед на тоа дека договорот му истекува на крајот од сезоната многу веројатно дека ќе ја промени средината.

Претходните неколку недели Балотели на големо се поврзуваше со Рома. Наводно неговиот агент Мино Раиола имал разговор со луѓе од таборот на „волчицата, но италијанскиот клуб не е единствениот заинтересиран.

Тимот од МЛС, ДЦ Јунајтед би сакал да го види Балотели во своите редови. Тие го контактирале Раиола и му понудиле договор на Италијанецот, а наскоро се очекува фудбалерот да се огласи во медиумите.

Балотели во својата кариера во Италија настапуваше за Интер и Милан, додека во Англија беше член на Манчестер Сити и Ливерпул.