Клоп: Ќе биде тренерско ремек-дело ако брзо најдам излез од кризата

Aгонијата на Ливерпул продолжи и денес откако тимот на Јирген Клоп го запиша шестиот пораз во низа на домашен терен.

Трите бода од „Енфилд“ денес ги однесе Фулам. Ова е првпат уште од сезоната 1953/1954 Ливерпул да изгуби шест натпревар на „Енфилд“. Клоп после натпреварот призна дека неговиот тим е во криза и порача дека ќе им биде потребно чудо за да се вратат на вистинскиот пат.

„Ќе биде ремек-дело ако брзо најдам начин да излеземе од кризата. Ни треба чудо. Момците сакаат да се вратат и прават се, но проблемот е во нешто друго. Мораме да продолжиме да се обидувамеЗ“, изјави Клоп.

Во овој момент Ливерпул е седми на табелата со три бодови помалку и натпревар повеќе од четвртопласираниот Челзи.