Клоп пред ждребот: Групите ќе бидат неверојатни, ова е лудо!

Тренерот на актуелниот европски шампион Јирген Клоп даде свој коментар пред денешната ждрепка во Лигата на шампиони.

Клоп не е убеден во тоа дека и годинава ќе има доминација на Англичаните и смета дека групите ќе бидат исклучително тешки оваа година.

„Групите ќе бидат неверојатни, немам никаква претстава кој би ја освоил Лигата на шампионите, имаме шанси како и сите други екипи, но, не сметам дека англиските екипи ќе доминираат оваа сезона“,смета Клоп.

„Ова е лудо, јас дури и не мислам дека некогаш постоел посилен втор шешир, сите тие би требало да бидат во првиот, но, таму нема место за сите, истото го сметам и за останатите шешири, во четвртиот дури се најде Лајпциг, неверојатно“, додаде германскиот стратег.