Клоп збесна на прес-конференцијата: Чија е оваа идеја?

Фудбалерите на Ливерпул беа поразени со 2:3 на гостувањето во Тулуз и со тоа ги загубија првите бодови во оваа сезона во Лига Европа.

Тулуз го изненади Ливерпул пред своите навивачи совладувајќи го со головите на Арон Донум, Тијс Далинга и Франк Магри, додека Кристијан Касерес (автогол) и Диого Жота погодија за поразениот англиски тим.

По натпреварот се одржа прес-конференција, а на неа бесен беше тренерот на Ливерпул, Јирген Клоп.

Англиските медиуми пишуваат дека прес-конференцијата се одржала во шатор и дека, славејќи ја победата на својот тим, ја прекинале навивачите на Тулуз.

Клоп и новинарите мораа да се пробијат низ нив за да стигнат дури и до местото каде што ќе ја одржат конференцијата, а додека траеше се слушаше навивачки песни на навивачите на домашната екипа.

Никој од нив не влезе на пресот, но Клоп не можеше да остане смирен.

„Чија беше идејата да се одржи прес-конференција овде? Тоа е интересно прашање. Вау“, изјави Клоп, за кој англиските медиуми објавија дека е фрустриран од исходот на мечот во кој неговиот тим имаше 72 проценти посед на топката и вкупно 19 шутеви.

"Who had the idea to do the press conference here?" 🤨

Jurgen Klopp was left frustrated after his post-game press conference was interrupted by Toulouse fans celebrating their win over Liverpool…#UEL pic.twitter.com/KmH0uI0xIj

— Football on TNT Sports (@footballontnt) November 10, 2023