Клоп го „пецна“ Солскјер: Чудно е што Јунајтед игра на таков начин

Во недела на програмата е големото дерби помеѓу Ливерпул и Манчестер Јунајтед, а тренерите веќе ја започнаа психолошката „војна“.

Јунајтед е единствен тим кој успеа да му земе бодови на Ливерпул оваа сезона, па Солскјер истакна дека е горд на тој меч и на одбраната на неговиот тим.

Клоп на пресконференцијата му одговори на својот колега и истакна дека е лудно тим со толку квалитетни фудбалери да играат така дефанзивен фудбал.

„Чудно е кога играш со висококвалитетен тим, каков што е Јунајтед, и тие играат на тој начин. Не знам дали сум кажал дека Јунајтед секогаш се бранат, но најверојатно е така, бидејќи тоа е вистината. Истото беше со Тотенхем минатата недела. Тие не играат само со контранапади, но тоа е главното оружје. По 70 минути имавме 80%  посед со Тотенхем и тоа не е нормално. Не знам како луѓето го сфаќаат ова, ако сакаат да го видат како критика, не можам да го променам тоа“, истакна Клоп.