Клоп ги разочара навивачите: Нема повеќе засилувања во овој преоден рок

Тимот на Ливерпул и во новата сезона ќе има највисоки амиции, „црвените“ сакаат битка за трофеи.

Меѓутоа стратегот на Ливерпул, Јирген Клоп потврди дека клубот нема да носи нови играчи до крајот на овој преоден рок.

„Нови играчи може да донесеме само ако некој се повреди, а до крајот на преодниот рок некој можеби ќе замине. Навивачите треба да бидат мирни и да се фокусираат на други работи“, изјави Клоп.

Ливерпул во овој преоден рок го доведе Дарвин Нуњез како најголемо и најскапо засилување, а тука се уште потписот на Фабио Карваљо и Калвин Рамзи. Се споменуваше и Матеус Нуњеш од Спортинг, меѓутоа по оваа изјава на Клоп јасно е дека тој трансфер нема да се реализира.