Клоп: Ако не бевме ние, Сити ќе беше шампион уште во февруари

Менаџерот на Ливерпул, Јирген Клоп го коментираше големото ривалство со Манчестер Сити во последните неколку сезони.

Според Германецот „црвените“ се единствен вистински конкурент на „граѓаните“, кои во спротивно ќе ја освоеле титулата уште во февруари.

„Нема сомнеж дека ова е најсилното првенство во светот, но ние уживаме во ривалството и предизвикот. Ако не бевме ние последните две-три сезони, Сити ќе беше шампион уште во февруари, иако тоа ќе важеше и за нас во спротивната ситуација“.

„Сити е најсилниот противник со кого сум се среќавал, но не би рекол дека ми беше многу полесно кога се среќавав со Гвардиола во периодот кога тој го водеше Баерн Минхен.Има уште многу натпревари до крајот, останува да видиме што ќе се случува сезонава“, изјави Клоп.