Класика во Мелбурн: Надал против Федерер во големото финале!

Се оствари тоа што љубителите на тенисот долго го чекаа – Рафаел Надал го елиминираше Григор Димитров во пет сета и се избори за финале против големиот ривал, Роџер Федерер.

Надал денес со доста мака го совлада Димитров во пет сетови6:3, 5:7, 7:6, 6:7, 6:4. Мечот траеше четири часа и 55 минути, а клучниот момент се случи во петиот сет кога Шпанецот направи брејк во деветиот гем за водство од 5:4.

Во одлучувачкиот гем Надал ја искористи третата меч топка и се избори за епско финале против најголемиот ривал Роџер Федерер.

Во меѓусебните дуели Надал води против Федерер 23:11, а во недела ќе видиме дали Шпанецот ќе стигне до својот 15-ти Грен слем или Швајцарецот до рекордниот 18-ти.