Касано: Интер ќе го освои Скудетото

Антонио Касано во јавноста зборуваше за новата сезона во Серија А и според него Јувентус кој долги години доминира ќе има проблем оваа сезона.

Поранешниот напаѓач на Интер и Рома во една италијанска емисија ги истакна своите очекувања и за него Интер е фаворит за Скудетото.

Касано како главна причина поради која го смета Интер за фаворит го истакнува Антонио Конте кој го превзема клубот ова лето.

„Ми се допаѓа како работи Конте и знам дека на Јувентус ќе му биде тешко да ја одбрани титулата. Конте со себе на Интер му носи дополнителни 15 бодови. Освен тоа Интер одработи одличен преоден рок и верувам дека тие ќе го освојат Скудетото“, изјави Касано, а потоа го пофали и Наполи.

„Наполи исто така е клуб кој ми се допаѓа, Лозано е одличен фудбалер. Јувентус вложи многу во Де Лихт и очекуваат тоа да им се исплати. Игуаин во кариерата постигна 350 гола и мислам дека ќе биде стартер, а Дибала ќе мора да почне да се однесува во како еден напаѓач, во спротивно очекувам да го напушти Торино“, смета контроверзниот фудбалер.