Карагер удри по Погба: Тој е срам за Јунајтед, треба да го избркаат

Легендарниот англиски дефанзивец, Џејми Карагер денес работи како стручен коментатот и не штедеше зборови во критиките кон Пол Погба.

Карагер смета дека Погба е срам за Јунајтед и дека клубот од „Олд Трафорд“ треба што е можно побрзо да се ослободи од него.

Менаџерот на Погба, Мино Раиола кажа дека неговиот агент завршил со Јунајтед. Погба не е задоволен со неговиот статус во клубот и во следниот преоден рок најверојатно ќе си замине.

„Ослободете се од него, ви го зборувам тоа веќе 12 месеци. Тој е преценет фудбалер. Мислам дека ова е срамота. Менаџерите во денешно време не се само менаџери, тие се родители, најдобри пријатели, финансиски советници… Тие двајца имаат токму таков однос. Тој е најдобриот пријател на Погба, што значи дека Погба многу добро знае какви изјави Раиола може да даде во јавноста. Доколку тоа не е така, сега треба да му даде отказ на Раиола“, смета Карагер.