Кансело незадоволен и во Минхен: Се враќа во Сити?

Португалскиот фудбалер Жоао Кансело во зискиот преоден рок го напушти Манчестер Сити и се пресели во Баерн Минхен на позајмица, но сега и во Минхен Португалецот не е задоволен.

Според информациите кои пристигнуваат од германските медиуми, Кансело не е задоволен од својот статус во тимот на Јулијан Нагелсман затоа што не е прв избор во најважните натпревари.

Кансело не играше во првиот натпревар против ПСЖ, потоа го немаше ниту во дербито со Унион Берлин, а не играше ниту на последниот првенствен натпревар против Штутгарт.

Претходно, ќе потсетиме тој го напушти Сити по информации дека влегол во расправија со тренерот Пеп Гвардиола.