Кансело направи глупост, навивачите на Јувентус би можеле сериозно да му замерат (ФОТО)

Jувентус вчера забележа пораз од Ајакс со 2:1 на свој терен што за Италијанците значеше елиминација од ова натпреварување.

Тимот од Торино поведе во 28-та минута со голот на Кристиано Роналдо, но Ајакс со головите на Ван Де Бек во 34-тата и Де Лихт во 67-та минута стигна до победа и заслужено помина во следната фаза.

Второто полувреме Јувентус го одигра многу лошо, а холандскиот клуб создаде многу прилики и за поубедлива победа.

Масимилијано Алегри во второто полувреме се обиде нешто да промени во играта на својата екипа, па Жоа Кансело го стави во игра во 64-тата минута на местото на Де Шиљо, а пред тоа Кин влезе во игра место Дибала.

Сепак, тоа не даде резултат, а токму Кансело кој влезе во игра во второто полувреме изгледа беше фрустриран поради се што се случи.

Тој на друштвената мрежа Инстаграм лајкна еден коментар кој гласеше: „Освен Роналдо, Јувентус е ужасен тим, не разбирам како професионални играчи и тренер можат да бидат толку глупави“. Кансело така би можел да се најде во проблем поради оваа ситуација, а навивачите и тоа како би можеле да му замерат.

Португалецот минатото лето пристигна од Валенсија во Торино за сума нешто поголема од 40 милиони евра, а оваа сезона одигра вкупно 35 натпревари во сите натпреварувања и постигна еден гол.

"Hormis Ronaldo, la Juventus est une équipe de merde, je ne comprend pas comment des joueurs professionnels et entraineurs peuvent être aussi stupides. Je te déteste Juventus"

Joao Cancelo a liké ça pic.twitter.com/QSbQH0dnJZ

— FrSerieA (@FrSerieA) April 17, 2019