КАКО И СЕКОГАШ: Мурињо ги пронајде виновниците за ремито со Вулверхемптон

Манчестер Јунајтед синоќа одигра 1:1 со Вулверхемптон, со што ја прекина малата победничка серија.

Тогаш кога изгледаше дека Јунајтед ќе се врати на самиот врв, веднаш се случи киксот против Вулверхемптон. Навистина овој тим донесе многу засилувања и е посилен отколку што изгледа, но секој очекуваше дека Јунајтед ќе запише победа на „Олд Трафорд“.

Изгледаше добро кога Фред во првите 20. минути постигна гол за 1:0, но Мутињо во продолжението сепак ги разочара Мурињо и „Црвените ѓаволи“. А го разочарале и некои негови играчи, кои ги смета за виновници што не запишале победа.

„Очекував повеќе од моите напаѓачи. Немаше доволно креативност, движење или динамика. Се на се, повеќе од ова и не заслуживме. Вулверхемптон беше помотивиран и поагресивен“, изјави Португалецот.