Како Ибрахимовиќ за малку ќе го претепал Алегри?

Златан Ибрахимовиќ од јануари 2020 година е член на Милан и тоа му е втор „мандат“ во овој клуб.

Претходно шведскиот напаѓач за овој тим настапуваше од 2010 до 2012 година, прво како позајмен играч од Барселона, а потоа Милан го откупи неговиот договор. Поранешниот директор на италијанскиот гигант, Адријано Галијани за италијанските медиуми откри некои детали од тој период.

Имено, Милан во март 2012 година играше реванш натпревар во осминафиналето од Лигата на шампионите во Лондон против Арсенал. „Росонерите“ беа поразени со 3:0, но тој пораз не им значеше ништо со оглед на тоа дека во првиот натпревар славеа со 4:0 и поминаа во следната фаза.

Но, и покрај тоа Златан бил незадоволен од играта и самата припрема за натпреварот од Масимилијано Алегри кој тогаш го водеше Милан.

„Тоа беше ужасен натпревар. Влеговме во соблекувалната после натпреварот, а Ибрахимовиќ викаше како луд. Малку фалеше да го претера Алегри. Тој никогаш не беше среќен и задоволен, секогаш сакаше максимум“, раскажа Галијани.