Поранешниот спортски директор на Јувентус, Џани ди Марцио откри дека „старата дама“ во 2002 година можела да го донесе Кристиано Роналдо, но трансферот пропаднал поради еден играч.
Ди Марцио истакна дека постоел договор помеѓу италијанскиот клуб и Спортинг Лисабон, но трансферот го блокирал тогашниот играч на „бјанконерите“ Марчело Салас.
Му ги броиме деновите на Тен Хаг во Манчестер! ↓↓↓
Поранешниот спортски директор отишол во Лисабон за да го гледа Рикардо Кварезма, но наместо него вниманието му го привлекол тогаш 17-годишниот Роналдо.
„Веднаш му се јавив на претседателот и му кажав дека забележав еден играч кој би можел да стане најдобар во светот и еден од најдобрите на сите времиња“, се присетува Ди Марцио.
Тој постигнал договор со Спортинг, но како дел од трансферот требало да биде Марчело Салас кој не сакал да замине во Лисабон.
„За само неколку милиони евра Салас не сакаше да замине и така Јувентус го загуби Роналдо“, истакна Ди Марцио кој додаде дека оваа сторија може да ја потврди и агентот на Роналдо, Жорге Медеш.
Наместо во Италија, во 2003 година Роналдо се пресели во Манчестер Јунајтед, а останатото е историја.
Учество во игри на среќа е дозволено за лица со 18+ години. Играј одговорно!