Кабиб со јасна порака: Никој нема да ме натера да ја разочарам мојата мајка

Кабиб Нурмагомедов уште еднаш потврди дека нема намера да се враќа на борбите.

Во разговор за медиумите во „Абу Даби“ каде што е дел од тимот на неговиот роднина кој ќе има борба Кабиб уште еднаш потврди дека не размислува за борби.

„Да почнеме со она што сите ги интересира. Мора да постои мотивација, желба…Ако не си гладен што тогаш? Во овој спорт сум толку години, го правам ова целиот свој живот и не постои никој со кој би сакал да се борам. Знам дека многумина би сакале да заработат, но што можам јас тука? Многумина не ме разбираат“.

„Имам многу планови, а борбите не се во тие планови. Тренирам поради себе, тоа ми е задоволство. Сакам да спарингувам, да удирам фокусери и вреќи, тоа секогаш ќе го правам. Мојата мајка ја сакам најмногу на светот и никој нема да ме натера да ја разочарам“, изјави Кабиб.