И тоа е можно: Реал ангажираше тинејџер за тренер на младинците

Џордан Хадавеј од Ливерпул само што наполни 18 години, а веќе доби работа од соништата. Тој доби тренерски ангажман од Реал Мадрид, а претходно беше тренер и на велшки нисколигаш.

Хадавеј неодамна доби УЕФА Б лиценца за тренери, а неговите добри резултати ги забележа и шпанскиот гигант, кој веднаш го контактираше и тинејџерот ќе биде тренер во академијата на подрачје на Велика Британија, па ќе ги предводи летните кампови на Реал Мадрид.

„Кралевите“ ги забележале неговите резултати на академијата на УЕФА, откако одржал предавање на академијата на шпанскиот гигант, Хадавеј доби понуда од Реал која веднаш ја прифати.