Италијански новинар: Ова се случува затоа што Икарди е договорен со – Јувентус!

Maуро Икарди се уште не го продолжил договорот со „Нероаѕурите“, а после тоа што се случуваше пред два дена тешко и дека ќе се случи.

Икарди ја изгуби капитенската лента и таа во иднина ќе ја носи Сами Хандановиќ. Покрај тоа беше изоставен од тимот за вчерашниот натпревар на Интер против Рапид Виена. Освен тоа Икарди ќе го пропушти и натпреварот за викендот против Сампдорија.

Објаснувањето е дека станува збор за ситна повреда, меѓутоа никој не верува во такво нешто.

Како извор на сите проблеми се наведува неговата сопруга и агент Ванда Нара. Критики доби и од страна на Фабио Капело кој директно ја обвини неговата сопруга.

„Во соблекувалната на еден тим во никој случај не смее да се дозволи сопругата на фудбалерот кој е капитен да зборува што ќе стигне во јавноста на штета на клубот. Џабе Икарди се поздравува со судијата на натпреварот кога очигледно капитенот на Интер е во неговиот дом“.

Вчера во медиумите се појави и вест дека ситуацијата во Интер сака да ја искористи големиот ривал на клубот од Милано, Јувентус.

'Icardi has already an agrement with Juve' https://t.co/AGn2S3u1xL pic.twitter.com/G2yBMDszjB

— CalcioMercato (En) (@CmdotCom_En) February 14, 2019

Како дополнување на оваа вест се појави и изјавата на италијанскиот новинар, Валер Де Маџо за реномираниот „Калчомеркато“.

„Мислам дека во Интер веќе знаат дека Икарди има договор со Јувентус. Интер е голем клубот и Марота е одличен спортски директор кој добро си ја знае работата. Одземањето на капитенската лента е голема одлука и поради тоа сум сигурен – Икарди веќе постигнал договор со Јувентус“, порача Де Маџо.

Иначе, договорот на Икарди со Интер важи до 2021 година и според ова што се случува истиот нема да биде продолжен.