Италијански готвач ја откри тајната на Кристиано Роналдо

Познато е колку Кристиано Роналдо се грижи за своето тело и здравје, па на 36-годишна возраст се уште е еден од најдобрите во светот.

Тајните на неговата исхрана ги откри италијанскиот готвач Џорџо Бароне. Тој ја напушти својата работа на Сицилија во 2018 година и отиде да готви за Роналдо, со кого живееше три години.

„Се грижи за своето тело да биде Ферари. Се храни со здрава, органска и природна храна. Риба, пилешко, јајца, говедско, авокадо и црн ориз. Не недостасува зеленчук, салати, морска храна и протеини, претежно од риба“, открива Бароне.

Но, најголемата тајна, како што тврди Бароне, се крие во специјално кокосово масло. Тоа е состојка која го заситува и зајакнува имунолошкиот систем, го стимулира варењето, го подобрува нивото на холестерол и помага во согорување на маснотиите во стомакот.

„Специјално кокосово масло. Му готвев храна со него. Важно е да пиете многу прочистена вода. Неговиот план за исхрана е комбинација од напорни тренинзи и добра храна, но одморот е исто толку фундаментален како и тренинзите и исхраната“.