Италијанските медиуми: Што се случува со Лаутаро? Повеќе не е истиот играч

Очекувањата дека Лаутаро Мартинез ќе биде клучна фигура во Интер оваа сезона не се остваруваат.

„Газета дело Спорт“ во денешното издание обрна посебно внимание за Аргентинецот и заклучи дека „не го положил испитот“.

Овој викенд „нероаѕурите“ беа без Ромалу Лукаку на мечот против Парма и нападот го предводеше токму Лаутаро, но тој покажа дека во овој момент не може да биде лидер на тимот.

Лаутаро нема постигнато гол од 4 октомври, што е 418 минути без гол или повеќе од четири натпревари.

„После паузата поради Ковид во пролетта Лаутаро не е повеќе истиот играч“, заклучи весникот.

Минатото лето Лаутаро беше поврзуван со трансфер во Барселона, а Интер бараше да биде платена неговата откупна клаузула од 111 милиони евра.