Италијанска битка за потписот на Закарија

Италијанските гиганти Рома и Наполи се заинтересирани за услугите на фудбалерот на Борусија Мехенгладбах, Денис Закарија.

Станува збор за 24- годишен фудбалер од средниот ред кој импресионира минатата сезона со настапите во Бундеслигата.

Закарија може да игра на сите позиции во средниот ред, па токму поради тоа е голема желба на италијанските клубови.

Швајцарскиот репрезентативец одигра добро и на ЕУРО, а Мехенгладбах за неговата слобода бара 25 милиони евра.

Најсилен интерес за него покажува Рома, а Мурињо веќе стапил во контакт со фудбалерот и сака да го донесе во Рим уште во јануари.