Италијанската легенда заработи отказ во Кина!

Италијанската легенда која работи во Кина денес доби отказ.

Сопствениците на Тианџин Куанџиан денес ја отпуштија италијанската фудбалска легенда Фабио Канаваро кој беше тренер на овој клуб.

Канаваро во овој клуб пристигна летото 2016 година и со овој клуб од втората кинеска лига се избори за пласман во најсилната конкуренција во Кина каде што заврши на третото место со десет бода заостанување зад шампионот Гвангжу, а со тоа се избори и за пласман во квалификациите за Лигата на шампионите.

Првите информации говорат дека токму Гвангжу би можел да биде наредната станица на Канаваро. Во овој момент Гвангжу е предводен од Бразилецот, Луис Фелипе Сколари.

Вест за заминување од својот досегашен клуб ја потврди Канаваро на својот Твитер профил.