Иско кон Асенсио: Не ги слушај што зборуваат!

Фудбалерот на Реал Мадрид, Иско во едно интервју за шпанските медиуми имаше совет за својот соиграч, Марко Асенсио.

Младиот репрезентативец на Шпанија покажа дека е голема иднина на европскиот фудбал, а сега доби и совет.

„Во иднина го чекаат навистина убави работи, но и во сегашноста. Практично нема фудбалер кој има таква лева нога. Мораме да го оставиме да напредува и да не му ја полниме главата. Негово е само да работи, а не да размислува за „Златната топка“, изјави Иско за „Марка“.

Потоа Иско доби и прашање за Зинедин Зидан.

„Зидан ми дава повеќе слобода во играта отколку неговите претходници. Оваа година направив чекор напред и се чуствувам навистина добро. Имам 25 години и капацитет да напредувам. Сакам да постигнувам повеќе голови, повеќе да асистирам и да давам поголем дорпинос во играта“, изјави Иско.