Инцидент пред Ла Бомбонера: Каменуван автобусот на гостите

Бока Јуниорс и Сантос одиграа натпревар без голови во првиот полуфинален натпревар во Копа Либертадорес.

Натпреварот на Ла Бомбонера не донесе голови и многу возбудувања, но затоа после натпреварот делегацијата на гостите имаше непријатно искуство по доаѓањето во хотелот.

Нивниот автобус бил каменуван. За среќа, никој не е повреден иако стаклото пукнало, а најблиску до повреда бил фудбалерот Сотелдо, кој седел на местото каде бил фрлен каменот.

Inaceptable: bus del Santos fue apedreado a su regreso a hotel tras 0-0 con Boca por Copa Libertadores | FOTOS https://t.co/kcu5c5wV62 pic.twitter.com/NlM7Pz6cga

— RPP Noticias (@RPPNoticias) January 7, 2021

На крајот сепак делегацијата на бразилскиот великан мирно заминала од Буенос Аирес, па во реваншот на свој терен за седум дена ќе се обиде да обезбеди пласман во финалето на Копа Либертадорес.

Таму веќе со едната нога е големиот ривал Палмеирас кој ја прегази Ривер Плата со 3:0 во првиот натпревар.