Интер не се шегува: Спреми 60 милиони за Видал

Медиумите во Чиле лансираа вистинска „бомба“ и тврдат дека милански Интер е решен во намерата да го врати Артуро Видал во Италија.

Имено, „нероаѕурите“ се во потрага по врвен играч за врска, а поради потешкотиите да стигнат до потписот на Наинголан, сега се насочиле кон Артуро Видал од Баерн Минхен.

Како што пренесуваат чилеанските медиуми, кои се секогаш добро информирани кога станува збор за нивни фудбалери, „нероаѕурите“ се спремни да понудат 60 милиони евра за потписот на Чилеанецот.

Притоа, Интер веќе стапил во контакт со неговиот агент и му понудиле 4-годишен договор според кој ќе заработува 8 милиони евра по сезона и ќе биде најплатен фудбалер во Серија А.

Видал со успех играше во Италија во дресот на Јувентус, па останува да видиме дали е спремен да се врати во Серија А, а исто така и дали Баерн е расположен да се раздели со еден од најдобрите свои фудбалери.