Интер најде замена за Брозовиќ

Интер на лето е спремен да го продаде Марсело Брозивиќ, а веќе почна да му бара адекватна замена.

Брозовиќ веќе влезе во зрели фудбалски години, а е еден од најплатените фудблери во тимот, па Интер смета дека сега е идеален момент за продажба.

Најголема желба на „нероаѕурите“ е Фабиан Руиз, кој не се снајде баш најдобро во ПСЖ и е спремен да ја промени средината.

Шпанецот блескаше неколку сезони во Наполи, па минатото лето за 24 милиони се пресели во ПСЖ.  Меѓутоа, Руиз не се снајде баш најдобро во Париз и во системот на игра на Галтие, па сака да ја промени средината.

Интер сака да ја искористи таквата ситуација и да го доведе во Милано на позајмица со задолжителен откуп за 18 милиони евра.