Интер му постави ултиматум на Брозовиќ

Марсело Брозовиќ е еден од најважните фудбалери на Интер, но неговиот договор со „нероаѕурите“ завршува следното лето.

Италијанските медиуми пренесуваат дека двете страни се далеку од договор за продолжување на соработката.

Имено, Брозовиќ моментално заработува 3,5 милиони евра и бара со новиот договор плата од 6,5 милиони евра, додека Интер не може да си дозволи такво зголемување.

Последната понуда на Интер изнесува 5 милиони евра плус бонуси, па „нероаѕурите“ му поставиле ултиматум  на хрватскиот плејмејкер.

Доколку Брозовиќ до крајот на декември не потпише нов договор, тогаш Интер дефинитивно ќе ги прекине преговорите и може да го продаде во јануари за да донесе негова замена.

Ultima chiamata per Brozovic: dentro o fuori entro il 2021. Ecco chi lo cerca, così l' #Inter vuole confermarlo https://t.co/gCxr4B3fg6

— La Gazzetta dello Sport (@Gazzetta_it) November 11, 2021