Интер е подготвен да го продаде Иван Перишиќ

Хрватскиот репрезентативец Иван Перишиќ минатото лето интензивно се поврзуваше со Манчестер Јунајтед, но неговиот Интер одби да го продаде на „Црвените ѓаволи“.

Наводно Интер одбил 50 милиони евра за Перишиќ, но сега ситуацијата е поинаква. Перишиќ во првиот дел од сезоната не успеа да ја врати вистинската форма, а јасно е дека е фрустриран од фактот дека Интер не сака да го пушти во Јунајтед, со оглед на тоа што јавно ја изразуваше својата желба да игра во Премиер лигата.

„Gazzetta dello Sport“ сега објави дека Интер е подготвен да го продаде Перишиќ до крајот на зимскиот трансфер период и тоа за 35-40 милиони евра. Наводно Интер како замена за Перишиќ сака да го доведе Караско, кој веројано би чинел дел од сумата која ќе ја заработи од потенцијалниот трансфер на хрватскиот репрезентативец, со оглед на тоа што Белгијанецот сака што побрзо да го напушти кинескиот Далиан Јифанг.