ИНЗАГИ: „Јуве со Роналдо е најдобриот тим во Европа“

Tренерот на Болоња, Филип Инзаги изјави дека со доаѓањето на Кристиано Роналдо започна ново поглавје во Јувентус.

Португалецот во јули пристигна од Реал Мадрид, а даде три гола на шест натпревари за тимот од Торино. Јуве седум пати по ред ја освојува титулата во Серија А, како и беше вицешампион на Европа два пати во последните четири години.

„Јувентус апсолутно е доминантен во Италија, а во Европа се блиску да ја освојат Лигата на Шампионите. Со Роналдо, кој е најдобар фудбалер во светот, Јуве е најдобриот тим во Европа или барем еден од најдобрите. Тоа не е ништо ново, тоа сите го знаат“, изјави Инзаги.

Болоња има четири бода од пет натпревари, додека Јуве е на максимални 15 пред натпреварот помеѓу двата тима вечерва од 21:00.