Има 80 години и бара нов клуб!

Дики Бортвик, за кого се верува дека е најстариот по возраст фудбалер во Велика Британија, одлучен е во намерата да најде нов клуб кој ќе го ангажира во своите редови.

80-годишниот Бортвик играше фудбал во секоја фудбалска сезона од 1958 година наваму, а тврди дека постигнал повеќе од 400 гола во својата кариера. Исто така, вели дека никогаш не добил жолт или црвен картон.

Бортвик играше за ветераните Вајк Ренџер во Дорсет цели четириесет години, а сега настапува само на хуманитарни натпревари.

„Проблемот е што нема многу клубови за ветерани. Уште поседувам неколку вештини, тоа не може да исчезне. Можам да играм на лево крило секој втор викенд“, вели Бортвик.