Иличиќ со вчерашниот „покер“ се запиша во историјата на Лигата на шамионите

Вчера Аталанта одигра уште еден одличен натпревар и со 4:3 ја победи Валенсија во реваншот на „Местаља“.

До победата Аталанта дојде благодарение на фантастичниот Јосип Иличиќ кој ги постигна сите четири гола за тимот од Бергамо. Со овие четири гола Иличиќ го запиша своето име во историјата на Лигата на шампионите.

Словенецот стана првиот фудбалер кој на еден натпревар на гости во нокаут фазата од најелитното европско натпреварување постигнал четири гола.

Пред Иличиќ по четири гола постигнувале Меси (два пати), Марио Гомез и Роберт Левандовски, меѓутоа сите тројца головите ги постигнаа на домашен терен.