Играчите на Челзи и Арсенал фудбал во финалето од ЛЕ ќе играа најмалку до еден часот по полноќ

Голем број љубители на фудбалот ширум Европа ја критикуваа одлуката финалето од Лигата на Европа да се игра во Баку, главниот град на Азербејџан.

Држава која во најдобар случај на крајната источна граница на Европа е предалеку за најголеиот дел од овој континент.

Прво, патот на навивачите до Баку е далеку поскап отколку финалето да се играше некаде на „нормално“ место во Европа.

Откако се дозна дека навивачите на Арсенал и Челзи ќе мораат до Баку да поминат 4.000 километри во еден правец ги дочека ново изненадување од УЕФА.

Иако Олимпискиот стадион во оваа земја има капацитет од 68.700 место навивачите на лондонските ривали ќе добијат само 6.000 влезници.

Најновиот бисер е што натпреварот ќе се игра во 23:00 часот по локално време за телевизиите да може да го пренесуваат натпреварот низ Европа во стандардниот термин од 21:00 часот.

Ова значи дека играчите на теренот ќе останат најмалку до 01:00 часот по полниќ. Зимајќи предвид дека станува збор за изедначени противници не е исклучена можноста и да гледаме продолженија со што натпреварот би навлегол длабоко ноќта.