Играчите на Звезда добија огромни бонуси за пласманот во Лигата на шампионите

Црвена Звезда втора година во низа ќе игра во Лигата на шампионите.

Црвено-белите во плеј-офот го елиминираа швајцарскиот шампион Јанг Бојс, а играчите од на белградскиот тим од добрите настапи и тоа како добро ќе профитираат.

После елиминацијата на Копенхаген добија премии од по 50.000 евра, сега ќе имаат двојна причина за задоволство.

Раководството на Звезда одлучи да ги награди со по 100.000 евра за овој голем успех.

Оваа голема награда е поради тоа што Звезда од самиот пласман во групната фаза од Лигата на шампионите заработи 15 милиони евра.